Temu | Հայաստան | Գաղտնիության քաղաքականություն

Վերջին թարմացում՝ 20 Հունիսի, 2025թ․

Սույն Գաղտնիության քաղաքականությունը նկարագրում է, թե ինչպես է Elementary Innovation Pte. Ltd.-ը՝ սինգապուրյան ընկերություն («մենք», «մեզ» կամ «մեր»), տնօրինում անձնական տվյալները, որոնք մենք հավաքում ենք սույն Գաղտնիության քաղաքականությանը կցված մեր թվային սեփականությունների, ներառյալ մեր կայքի (www.temu.com) և բջջային հավելվածի (միասին՝ «Ծառայություն») միջոցով, և այլ գործողություններ, ինչպես նկարագրված է սույն Գաղտնիության քաղաքականության մեջ: Temu-ն խիստ կարևորում է գաղտնիությունը: Մեր ձգտումն է լինել թափանցիկ մեր գաղտնիության պրակտիկայի առնչությամբ, ներառյալ, թե ինչպես ենք վերաբերվում Ձեր անձնական տվյալներին: Սույն Գաղտնիության քաղաքականությունը բացատրում է, թե ինչպես ենք մենք հավաքում, օգտագործում, փոխանցում և այլ կերպ մշակում մեր ծառայության հետ կապված օգտատերերի անձնական տվյալները։

Ինչ տվյալներ ենք մենք հավաքագրում

Մեր ծառայությունները մատուցելու և բարելավելու ընթացքում մենք հավաքում ենք Ձեր անձնական տվյալները սույն Գաղտնիության քաղաքականության մեջ նկարագրված նպատակների համար: Ստորև բերված են անձնական տվյալների տեսակները, որոնք մենք հավաքում ենք.

Ձեր տրամադրած տվյալները

Երբ ստեղծում եք հաշիվ, զննում եք Ծառայությունը, տեղադրում եք պատվեր վճարման ժամանակ, անմիջական կապ եք հաստատում մեզ հետ կամ այլ կերպ օգտվում եք Ծառայությունից, կարող եք տրամադրել հետևյալ տվյալներից որոշը կամ բոլորը.

• Հաշիվ և պրոֆիլ: Մենք հավաքում ենք Ձեր բջջային հեռախոսահամարը և/կամ էլ․ փոստի հասցեն՝ որպես Ձեր հաշվի մուտքի տվյալներ, և Ձեր հաշվի համար նշանակում ենք օգտատիրոջ նույնականացման համար։ Եթե ընտրում եք գրանցվել կամ մուտք գործել արտաքին երրորդ կողմի ծառայությունների միջոցով, ինչպես օրինակ՝ Facebook-ի կամ Google-ի միջոցով, Դուք համաձայնում եք, որ մենք պահպանեք համապատասխան երրորդ կողմի ծառայություններ մատուցողի հետ կապված Ձեր պրոֆիլի լուսանկարը, օգտատիրոջ անունը և/կամ էլ․ փոստի հասցեն: Մենք նաև հավաքում ենք Ձեր պրոֆիլի, հաշվի կարգավորումների և Ձեր Temu հաշվի նախապատվությունների տվյալներ։ Մենք նաև հավաքում ենք Ձեր տարածաշրջանի տվյալներ՝ երկրի/տարածաշրջանի հիման վրա։

• Գնումներ։ Մենք հավաքում ենք Ծառայության էջում Ձեր պատվերի հետ կապված տվյալները (օրինակ՝ գործարքի ID, գործարքների պատմություն), գործարքն ավարտելու համար անհրաժեշտ վճարման տվյալները (օրինակ՝ վճարային քարտի համարը կամ վճարման համար պահանջվող այլ երրորդ կողմի վճարման տվյալները, վճարման հասցեն), ապրանքի չափսերի որոշման նպատակով Ձեր կողմից տրամադրված տվյալները, Ձեր առաքման հասցեն (օրինակ՝ քաղաքը, նահանգը, բնակության երկիրը, փոստային կոդը) և ստացողի կոնտակտային տվյալները (օրինակ՝ անունը, բջջային հեռախոսահամարը): Համաձայն կիրառելի օրենսդրության և/կամ մաքսային մարմինների պահանջների՝ մենք կարող ենք հավաքել տվյալներ, որոնք կարող են նույնականացնել Ձեր ինքնությունը (օրինակ՝ Ձեր նույնականացման քարտի համարը կամ անձնագրի համարը)՝ պատվերները կատարելու համար պահանջվող մաքսազերծման նպատակով, իսկ այդ տվյալները կպահվեն ապահով կերպով:

• Հաճախորդների աջակցության ծառայության գործունեություն: Երբ հաղորդակցվում եք հաճախորդների սպասարկման մեր թիմի հետ հավելվածի/կայքի հաճախորդների սպասարկման մեր ֆունկցիաների միջոցով՝ կա՛մ հաճախորդների սպասարկման գործակալի, կա՛մ մեր վիրտուալ օգնականի (չատբոտի կամ թեժ գծի միջոցով), կա՛մ սոցիալական ցանցերի ու որևէ այլ միջոցով, մենք կհավաքենք մեզ հետ ունեցած Ձեր հաղորդակցության պատմությունը, այդ թվում՝ մեզ հետ փոխանակած ցանկացած տեքստ, նկար, տեսանյութ, աուդիո կամ ուղեկցող փաստաթղթեր։

• Տվյալներ մեզ հետ կապ հաստատելիս։ Երբ մեզ հետ կապ եք հաստատում, մենք հավաքում ենք այն տվյալները, որոնք ուղարկում եք մեզ, օրինակ՝ հաշվետվություններ, կարծիք կամ Ձեր կողմից Ծառայության օգտագործման հետ կապված հարցումներ կամ մեր Օգտագործման պայմանների կամ այլ քաղաքականությունների հնարավոր խախտումների մասին տվյալներ:

• Զրույցներ ապրանքային գործընկերների հետ։ Երբ զրուցում եք Temu-ի ապրանքային գործընկերների հետ, մենք հավաքում ենք Ձեր զրույցի հաղորդագրությունները և հարակից այլ տվյալներ։
  

• Օգտատերերի կողմից ստեղծած բովանդակություն։ Երբ Ծառայությունում ապրանքի մասին կարծիքներ և գնահատականներ եք տրամադրում, մենք հավաքում ենք այդ տվյալները, ներառյալ ուղեկցող նկարները, տեսանյութերը կամ տեքստը, ինչպես նաև հարակից մետատվյալները:

• Մասնակցություն պրոմո ակցիաներին և միջոցառումներին: Մենք հավաքում ենք որոշակի տվյալներ, երբ մասնակցում եք մրցույթի, միջոցառման, պրոմո ակցիայի, հարցման, նվերների կամ մրցագրազի՝ որպես մասնակցության ընթացքի մաս, ինչպես օրինակ՝ Ձեր ցանկալի մրցանակի ընտրությանը։ Նման մրցագրազները և մրցույթները կամընտրական են։ Խորհուրդ ենք տալիս կարդալ յուրաքանչյուր մրցագրազի և մրցույթի կանոնները և համապատասխան այլ տվյալ, որին մասնակցելու եք։ Ի լրումն՝ մենք հավաքում ենք տվյալներ մեզնից մարքեթինգային հաղորդագրություններ ստանալու Ձեր նախապատվությունների, ինչպես նաև դրանց հետ Ձեր փոխգործակցության վերաբերյալ տվյալներ:

• Այլ տվյալներ, որոնք հստակորեն նշված չեն այստեղ։ Մենք հավաքելու ենք Ձեր կողմից տրամադրված այլ տվյալներ՝ սույն Գաղտնիության քաղաքականության մեջ նշված նպատակների կամ ցանկացած այլ նպատակի համար, որի մասին Ձեզ տեղեկացվել է տեղեկությունը հավաքելու պահին:

Տվյալներ երրորդ կողմի աղբյուրներից

Գործող օրենքներով թույլատրելի չափով՝ մենք կարող ենք հավաքել Ձեր անձնական տվյալները երրորդ կողմի այլ աղբյուրներից, ինչպես օրինակ՝

• Տվյալների մատակարարներից: Մենք ստանում և հավաքում ենք Ձեր անձնական տվյալները, ինչպես օրինակ՝ ինքնության ստուգման տվյալները և զեղծարարության կանխարգելման վտանգի գնահատման տվյալները տեղեկատվական ծառայություններից՝ վճարումների հետ կապված զեղծարարությունը հայտնաբերելու, չարտոնված գործարքները կանխելու հարցում մեզ օգնելու և Ծառայության շահերը պաշտպանելու համար։

• Մարքեթինգային և գովազդային գործընկերներից։ Մենք ստանում և հավաքում ենք Ձեր անձնական տվյալները մեր մարքեթինգային և գովազդային գործընկերներից, ինչպես օրինակ՝ բիզնես գործընկերներից, որոնց հետ մենք համագործակցում ենք մարքեթինգային միջոցառումների և Ծառայության գովազդի համար: Մասնավորապես, այս գործընկերներից մենք ստանում ենք տվյալներ, այդ թվում, օրինակ, Ձեր սեղմած հատուկ գովազդների, քուքիների և նմանատիպ տեխնոլոգիաների միջոցով աղբյուրի հղման վերաբերյալ տվյալներ՝ մեր Ծառայության այցելությունների թրաֆիկի որոշման հարցում օգնելու համար, սարքի տվյալներ, եթե սեղմել եք որոշակի գովազդների, մարքեթինգային էլ․ նամակների, գովազդների և առաջարկների համար տրված պատասխաններին, ինչպես նաև լսարանի մասին տվյալներ մարքեթինգային գործընկերներից, որտեղ նրանք իրավասու են փոխանցել այդ տվյալները մեզ։

• Պետական մարմիններից, հանրային աղբյուրներից և իրավատերերից։ Մենք ձեռք ենք բերում Ձեր անձնական տեղեկությունները, որոնք կարող են ներառել օգտատիրոջ անունը, հասցեն, էլ․ փոստի հասցեն, բջջային հեռախոսահամարը, երրորդ կողմի աղբյուրներից գնման և/կամ վճարման վերաբերյալ հնարավոր տեղեկություններ պարունակող Ձեր անձնական տվյալները, օրինակ՝ անհրաժեշտության դեպքում մեր պարտավորություններին համապատասխանելու, ենթադրյալ պահանջը կամ հանցագործությունը կանխելու, հետաքննելու և հայտնաբերելու կամ կողմի՝ իր օրինական իրավունքները պաշտպանելու համար:

• Մեր վճարային մշակիչներից։ Մենք ձեռք ենք բերում Ձեր անձնական տվյալները մեր երրորդ կողմի վճարային մշակիչերից, ոքեր օգնում են մեզ մշակել գործարքները, մատուցել մեր Ծառայությունը և կանխել զեղծարար կամ անօրինական գործունեությունը։ Մեր վճարային մշակիչների կողմից մեզ փոխանցվող անձնական տվյալները ներառում են Ձեր անունը, էլ․ փոստի հասցեն, վճարման հասցեն և հեռախոսահամարը։
  

• Երրորդ կողմի այլ ծառայություններից: Մենք հավաքում ենք Ձեր անձնական տվյալները այլ երրորդ կողմի այլ ծառայություններից, ինչպես օրինակ՝

• Սոցիալական մեդիայի ծառայություններից, որոնցից մենք կարող ենք հավաքել Ձեր օգտանունը, պրոֆիլի նկարը և/կամ համապատասխան երրորդ կողմի ծառայության մատակարարին տրամադրվող էլ․ փոստի հասցեն, եթե որոշեք գրանցվել կամ մուտք գործել նշված երրորդ կողմի ծառայության միջոցով:

• Լոգիստիկ ծառայությունների մատակարարներից, որոնցից մենք կարող ենք հավաքել Ձեր լոգիստիկ տվյալները, ինչպես օրինակ՝ առաքման ընթացքը և առաքման հասցեն, և կարող ենք այդ տվյալները հասանելի դարձնել Ձեզ համար Ձեր հաշվի շրջանակներում՝ պատվերի կատարումն արդյունավետորեն իրականացնելու համար:

Ավտոմատ հավաքագրվող տվյալներ

Ծառայությունների շրջանակում Ձեր փորձառությունը բարելավելու և սույն Գաղտնիության քաղաքականության մեջ նշված ձևով այն այլ նպատակներին աջակցելու համար, որոնց համար մենք հավաքագրում ենք անձնական տվյալներ, մենք կարող ենք ավտոմատ կերպով հավաքել Ձեր, Ձեր համակարգչի կամ բջջային սարքի, ինչպես նաև Ծառայության հետ Ձեր փոխգործակցությունների և մեր հաղորդակցությունների մասին տվյալներ ժամանակի ընթացքում, ինչպես օրինակ՝

• Սարքի տվյալներ: Մենք հավաքագրում ենք անձնական տեղեկություններ այն սարքի վերաբերյալ, որոնք օգտագործում եք կայք մուտք գործելու համար, ինչպես օրինակ՝ սարքի մոդել, օպերացիոն համակարգի տվյալներ, ինտերնետ ծառայության մատակարարի, լեզվի կարգավորումներ, եզակի նույնացուցիչներ (ներառյալ գովազդային նպատակներով օգտագործվող նույնացուցիչներ, երբ թույլատրվում է օրենքով):

• Ծառայության օգտագործման վերաբերյալ տվյալներ։ Մենք հավաքում ենք անձնական տվյալներ Ծառայության հետ Ձեր փոխգործակցությունների մասին, ներառյալ՝ արդյոք բացել եք մեր էլ․ նամակները, սեղմել եք մեր էլ․ նամակների մեջ առկա հղումների վրա, Ձեր կողմից մեր էջեր այցելած աղբյուրը, Ձեր դիտարկիչի պատմությունը, որոնված տեքստը և նկարները և մեր էջերում անցկացրած ժամանակը, Ձեր գնումների զամբյուղում գտնվող ապրանքները, Ձեր դիտած էջերը և մեր էջերի հետ Ձեր այլ փոխգործակցությունները։ Մենք նաև հավաքում ենք ծառայությանը վերաբերող, դիագնոստիկ և կատարողականի տվյալներ, ներառյալ խափանումների վերաբերյալ հաշվետվություններ և կատարողականի գրանցամատյաններ։

• Տեղանքի ընդհանուր տվյալներ։ Մենք հավաքում ենք Ձեր մոտավոր տեղանքի տվյալները (օր.՝ IP հասցեն):

Քուքիներ և նմանատիպ տեխնոլոգիաներ

Մենք հավաքում ենք տվյալներ Ձեր սարքում պահվող քուքիների և նմանատիպ տեխնոլոգիաների միջոցով։ Այս քուքիները կա՛մ անհրաժեշտ են և պահանջվում են մեր Ծառայությունը տրամադրելու համար (օրինակ՝ այն քուքիները, որոնք մենք օգտագործում ենք Ձեր լեզվին և գտնվելու վայրին համապատասխան ապրանքներ ցուցադրելու համար), կա՛մ ընտրովի են (օրինակ՝ այն քուքիները, որոնք օգտագործվում են Ձեզ ցուցադրվող գովազդներին հետևելու և դրանք չափելու համար): Որոշակի քուքիներ անջատել սովորելու համար կարդացեք մեր Քուքիների և նմանատիպ տեխնոլոգիաների քաղաքականությունը։

Հրաժարում տվյալներ տրամադրելու համար

Մեզ անհրաժեշտ է հավաքել Ձեր անձնական տվյալները՝ որոշակի ծառայություններ մատուցելու համար։ Եթե չտրամադրեք Ծառայությունը մատուցելու համար մեզ անհրաժեշտ տվյալները, մենք չենք կարող մատուցել Ծառայությունը: Այլ տվյալները կամընտրական են, սակայն, առանց դրանց, Ծառայության հետ կապված Ձեր փորձի որակը կարող է ազդել:

Ինչպես և ինչու ենք օգտագործում Ձեր տվյալները

Մենք օգտագործում ենք տարբեր նպատակներով հավաքած անձնական տվյալներ, այդ թվում՝ Ծառայությունը զարգացնելու, բարելավելու, աջակցելու և Ծառայություն տրամադրելու համար՝ թույլ տալով Ձեզ օգտագործել դրա հնարավորությունները մեր Օգտագործման պայմանները կատարելու և կիրառելու միջոցով: Մենք կարող ենք օգտագործել Ձեր անձնական տվյալները հետևյալ նպատակներով.

Հաշիվ ստեղծելու և սպասարկելու համար։ Մենք օգտագործում ենք Ձեր անձնական տվյալները Ծառայությունում Ձեր հաշիվը ստեղծելու և սպասարկելու, ինչպես նաև հաշվի անվտանգության գործառույթներն ակտիվացնելու համար (օրինակ՝ ուղարկելով անվտանգության կոդեր էլ․ փոստով կամ SMS-ով):

Ապրանքների և ծառայությունների պատվերների և առաքման համար։ Մենք օգտագործում ենք Ձեր անձնական տվյալները պատվերներ ստանալու և մշակելու, ապրանքներ և ծառայություններ առաքելու, վճարումներ մշակելու, Ձեզ հետ պատվերների, ապրանքների, ծառայությունների և պրոմո ակցիաների վերաբերյալ հաղորդակցվելու, ինչպես նաև պատվերների հետ կապված վեճերի ընթացքը, Ձեր պատվերների գումարի վերադարձերը և/կամ վերադարձերը հեշտացնելու համար։

Ծառայությունները բարելավելու և օպտիմալացնելու և անսարքությունները շտկելու համար: Մենք օգտագործում ենք Ձեր անձնական տվյալները՝ հնարավորություններն օպտիմալացնելու, կատարողականի ցուցանիշները վերլուծելու, սխալները շտկելու, և Ծառայությունն ու մեր բիզնեսը պահպանելու և բարելավելու համար: Այս գործողությունների շրջանակներում մենք կարող ենք ստեղծել մեր հավաքած անձնական տվյալներից խմբավորված կամ այլ կերպ ապանույնականացված տվյալներ:

Անհատականացնել Ձեր փորձառությունը։ Մենք օգտագործում ենք Ձեր անձնական տվյալները՝ Ձեզ հետաքրքրող հնարավորություններ, ապրանքներ և ծառայություններ առաջարկելու համար: Անձնական տվյալները կօգտագործվեն նաև Ձեր նախապատվությունները որոշելու և Ծառայության հետ Ձեր փորձառությունն անհատականացնելու համար:

Ձեզ հետ հաղորդակցվելու և հաճախորդների սպասարկման աջակցություն ապահովել համար: Մենք օգտագործում ենք Ձեր անձնական տվյալները Ձեզ հետ հաղորդակցվելու համար (օրինակ՝ հայտարարություններ, թարմացումներ, անվտանգության ծանուցումներ, աջակցություն և վարչական հաղորդագրություններ) և տրամադրում ենք հաճախորդների սպասարկման աջակցություն Ձեր հայտերի, հարցերի և հետադարձ կապի համար:

Վիճակախաղեր, մրցույթներ և այլ պրոմո ակցիաներ ու իրադարձություններ: Մենք օգտագործում ենք օգտատիրոջ Ձեր պրոֆիլի նկարը և հաշվի տվյալներ՝ պրոմո ակցիաների և միջոցառումների շրջանակում նույնականացնելու համար, ինչպես նաև Ծառայությանը հրավիրելու համար ընկերներին ուղարկվող հրավերների հեշտացման համար։

Մարքեթինգային նպատակներով: Մենք և մեր ծառայությունները մատուցողները հավաքագրում և օգտագործում ենք Ձեր անձնական տվյալները մարքեթինգային նպատակներով՝ համապատասխան կիրառելի օրենքներին: Գործող օրենքներով թույլատրելի չափով՝ մենք կարող ենք ուղարկել Ձեզ ուղիղ մարքեթինգային հաղորդագրություններ, ինչպես օրինակ՝ էլ․ նամակներ, SMS-ներ և push ծանուցումներ։ Մարքեթինգային հաղորդագրություններից կարող եք հրաժարվել ստորև «Ձեր իրավունքները և ընտրությունները» բաժնում նկարագրված ձևով:

Հետաքրքրությունների վրա հիմնված գովազդային նպատակով։ Մենք, մեր ծառայություններ մատուցողները և մեր երրորդ կողմի գովազդային գործընկերները կարող են հավաքել և օգտագործել Ձեր անձնական տվյալները հետաքրքրությունների վրա հիմնված գովազդային նպատակներով: Օրինակ՝ մենք կարող ենք օգտագործել Ծառայության հետ Ձեր փոխագործակցությունները (օրինակ՝ Ծառայության էջում Ձեր դիտարկիչի, որոնման և գնումների պատմությունը) և Ձեր հաշվի պրոֆիլում ներառված տեղեկությունը (օրինակ՝ Ձեր երկիրը, եթե գրառված է)՝ մեր հարթակում Ձեր հետաքրքրությունների վրա հիմնված գովազդ ցուցադրելու համար։ Մենք չենք օգտագործում այնպիսի տվյալներ, որոնք անձամբ նույնականացնում են Ձեզ, ինչպես օրինակ՝ Ձեր անունը կամ էլ․ փոստի հասցեն՝ Ձեր հետաքրքրությունների վրա հիմնված գովազդ ցուցադրելու համար։ Հետաքրքրությունների վրա հիմնված գովազդ տրամադրելիս մենք հետևում ենք վարքագծային առցանց գովազդի ինքնակարգավորման սկզբունքներին, որոնք սահմանված են Digital Advertising Alliance-ի (DAA) կողմից, որն էլ թվային մարքեթինգի և սպառողների գաղտնիության շահերի պատասխանատու պաշտպան կազմակերպություն է: Դուք կարող եք իմանալ ավելին հետաքրքրությունների վրա հիմնված գովազդի և հրաժարվելու Ձեր ընտրության մասին այստեղ:

Զեղծարարության կանխարգելում և անվտանգութուն: Մենք օգտագործում ենք Ձեր անձնական տվյալները՝ զեղծարարությանը արձագանքելու, Ծառայության չարտոնված մուտքը կամ օգտագործումը, Օգտագործման պայմանների և Temu-ի այլ քաղաքականությունների խախտումները կամ այլ սխալ վարքագիծը կանխելու, հայտնաբերելու, հետաքննելու համար:

Համապատասխանություն, իրավական պարտավորություններ և պաշտպանություն։ Մենք կարող ենք օգտագործել Ձեր անձնական տվյալները համապատասխանության ապահովման նպատակներով և կիրառելի օրենքներին համապատասխանելու համար, ներառյալ օրինական պահանջները և իրավական գործընթացները (արձագանքելու դատական ծանուցագրերի կամ կառավարության կամ կարգավորող մարմինների պահանջներին); մեր, Ձեր և այլ օգտատերերի իրավունքները, գաղտնիությունը, անվտանգությունը կամ սեփականությունը պաշտպանելու համար (ներառյալ իրավական պահանջների ներկայացումը և պաշտպանությունը); աուդիտ կազմակերպել ներքին գործընթացները ստուգելու համար՝ իրավական և պայմանագրային պահանջներին և մեր ներքին քաղաքականությանը համապատասխանություն ապահովելու նպատակով; կիրարկել Ծառայությունը կարգավորող դրույթներն ու պայմանները; կանխել, բացահայտել, քննել և հետ պահել զեղծարար, վնասակար, չարտոնված, հակաէթիկական կամ անօրինական գործողությունները, ներառյալ կիբերհարձակումները և ինքնության գողությունը։

Իրավական պահանջների նպատակով՝ Ձեր համաձայնության հիման վրա։ Որոշ դեպքերում մեզ կարող է պահանջվել Ձեր համաձայնությունը՝ Ձեր անձնական տվյալները հավաքելու, օգտագործելու կամ փոխանցելու համար, երբ դա պահանջվում է կիրառելի օրենքներով։

Քուքիների և նմանատիպ տեխնոլոգիաների տեխնիկական գործողությունների, կատարողականի բարձրացման, գովազդի, վերլուծության և այլնի համար։ Քուքիների և մեր կողմից դրանց օգտագործման վերաբերյալ լրացուցիչ տեղեկությունների համար վերանայեք մեր Քուքիների և նմանատիպ տեխնոլոգիաների քաղաքականությունը։

Ինչպես և ինչու ենք փոխանցում Ձեր տվյալները

Temu-ում մենք խորապես հոգում ենք գաղտնիության մասին: Մենք կարող ենք հետևյալ կողմերին փոխանցել Ձեր անձնական տվյալները ստորև նշված նպատակներով.

Աֆիլիատներին: Որպես գլոբալ ընկերություն՝ մեր Ծառայությունն աջակցվում է մեր կորպորատիվ խմբի շրջանակներում գործող կազմակերպությունների կողմից։ Մենք փոխանցում ենք Ձեր անձնական տվյալների որոշ մասը Temu-ի դուստր ձեռնարկություններին և գործընկերներին՝ անհրաժեշտության դեպքում Ծառայության որոշակի գործառույթներ ապահովելու համար, այդ թվում՝ պատվերի կատարման նպատակով: Նման անձնական տվյալների մեջ ներառվում են առաքման հասցեն և կոնտակտային տվյալները: Այս դուստր ձեռնարկություններն ու գործընկերները կա՛մ հետևում են նշված Գաղտնիության քաղաքականության մեջ նկարագրված նույն գործելակերպին, կա՛մ կիրառում են առնվազն նույնքան պաշտպանիչ գործելաոճ, որը նկկարագրված է սույն Գաղտնիության քաղաքականության մեջ։

Ծառայություն մատակարարներին։ Մենք փոխանցում ենք անձնական տվյալներ մեր անունից ծառայություններ մատուցող կամ Ծառայությունը կամ մեր բիզնեսը գործարկելու (օրինակ՝ հոսթինգ, տեղեկատվական տեխնոլոգիաներ, հաճախորդների աջակցություն, էլ․ փոստով առաքում, պատվերի կատարում և առաքում, մարքեթինգ, զեղծարարության հայտնաբերում, անվտանգություն, սպառողների հետազոտություն և վեբ կայքի վերլուծություն) հարցում օգնող երրորդ կողմերին: Այս երրորդ կողմի ծառայության մատակարարները հասանելիություն ունեն միայն իրենց գործառույթներն ու ծառայությունները կատարելու համար անհրաժեշտ անձնական տվյալներին, և մենք, որպես կանոն, պահանջում ենք, որ այս ծառայության մատակարարներն օգտագործեն անձնական տվյալներ միայն անհրաժեշտության դեպքում՝ իրենց ծառայություններն իրականացնելու կամ գործող իրավական պարտավորությունները կատարելու համար։

Վճարային մշակիչներին: Մենք փոխանցում ենք Ձեր անձնական տվյալները մեր վճարային մշակիչներին՝ վճարումներն իրականացնելու, վեճերը մշակելու և/կամ գումարի վերադարձեր մշակելու համար։

Գովազդային և վերլուծական գործընկերներին։ Մենք կարող ենք փոխանցել Ձեր անձնական տվյալները երրորդ կողմի գովազդային, մարքեթինգային և վերլուծական ընկերություններին հետաքրքրությունների վրա հիմնված գովազդի և վերլուծական այն նպատակների համար, որոնք նկարագրված են մեր Քուքիների և նմանատիպ տեխնոլոգիաների քաղաքականության մեջ։ Լրացուցիչ տեղեկությունների և նման պրակտիկաներից հրաժարվելու Ձեր իրավունքի մասին իմանալու համար տե՛ս Ձեր իրավունքները և ընտրությունները բաժինը և Քուքիների և նմանատիպ տեխնոլոգիաների քաղաքականությունը։

Ձեր կողմից նշանակված երրորդ կողմերին: Մենք կարող ենք փոխանցել Ձեր անձնական տվյալները երրորդ կողմերին, եթե մեզ հրահանգել եք կամ տվել եք Ձեր համաձայնությունը։ Մենք կարող ենք փոխանցել Ձեր կողմից պահանջվող ծառայությունների համար պահանջվող անձնական տվյալները Ձեր կողմից նշանակված երրորդ անձանց: Օրինակ՝ երբ ընտրում եք փոխանցել Temu ապրանքների ցանկի հղումը երրորդ կողմ հանդիսացող սոցիալական մեդիա ծառայության միջոցով: Տեղյակ եղեք, որ երբ օգտվում եք երրորդ կողմի կայքերից կամ ծառայություններից, Ձեր կողմից այդ կայքերի կամ ծառայությունների օգտագործումը կկարգավորվի նրանց սեփական պայմանների ու գաղտնիության քաղաքականության միջոցով:

Բիզնեսի և մարքեթինգի գործընկերներին: Մենք կարող ենք փոխանցել Ձեր անձնական տվյալները երրորդ կողմերին, որոնց հետ մենք համագործակցում ենք Ծառայությունը առաջարկելու կամ գովազդելու համար։ Օրինակ, կախված Ձեր հաղորդակցման նախապատվություններից, մենք կարող ենք փոխանցել Ձեր անձնական տվյալները երրորդ կողմի ծառայության այն մատակարներին, որոնց հետ մենք համագործակցում ենք՝ Ձեզ մարքեթինգային SMS և էլ․ նամակներ ուղարկելու համար։

Պրոֆեսիոնալ խորհրդատուներին, իշխանություններին, հաստատություններին և կարգավորողներին: Մենք կարող ենք փոխանցել Ձեր անձնական տվյալները մեր պրոֆեսիոնալ խորհրդատուներին (օրինակ՝ իրավաբաններին, աուդիտորներին, բանկիրներին և ապահովագրողներին) և պետական մարմիններին, ինչպես օրինակ՝ իրավապահ մարմիններին՝ ի պատասխան իրավական գործընթացների (օրինակ՝ Ձեր բնակության երկրի դատարանների կամ իշխանությունների կողմից ներկայացված); և այլ կողմերին (այդ թվում՝ ֆինանսական հաստատություններին)՝ մեր համաձայնագրերը կամ քաղաքականությունը կիրառելու, Temu-ի, օգտատերերի և այլոց իրավունքները, սեփականությունն ու անվտանգությունը պաշտպանելու, ինչպես նաև փաստացի կամ կասկածելի զեղծարարությունը, Temu-ի Օգտագործման պայմանների խախտումները, այլ անօրինական գործողություններ, անվտանգային խնդիրներ հայտնաբերելու, կանխելու և վերացնելու նպատակով կամ օրենքով պահանջված լինելու դեպքում:

Բիզնեսի իրավահաջորդներ։ Գործարար գործարքի, ինչպես օրինակ՝ միավորման, ձեռքբերման կամ վերակազմակերպման հազվագյուտ դեպքում մենք կարող ենք փոխանցել Ձեր անձնական տվյալների մի մասը համապատասխան կողմերի հետ (օրինակ՝ գնորդի կամ իրավահաջորդի)՝ նման գործարքը հեշտացնելու համար։ Եթե մտադիր լինենք փոխանցել Ձեր մասին տվյալներ, այդ մասին կտեղեկացնենք Ձեզ էլ․ նամակի կամ Temu հավելվածում և Temu.com կայքում ծանուցում տեղադրելու միջոցով։

Ապրանքային գործընկերներ։ Մենք կարող ենք ապրանքային գործընկերներին փոխանցել Ձեր անձնական տվյաները Ձեր թողած գնահատականի, վերադարձի կամ գումարի վերադարձի պատճառների, ինչպես նաև փոփոխված/անհատականացված ապրանքների փոփոխման մասին տվյալները: Ձեր պատվերը կատարելու համար՝ մենք կարող ենք փոխանցել ապրանքային գործընկերոջը Ձեր անունը, առաքման հասցեն, կոնտակտային տվյալները, հաճախորդների սպասարկման մեր թիմի հետ հաղորդագրությունները և Ձեր պատվերի վերաբերյալ տվյալները: Օրինակ՝ հարցման կամ բողոքին լուծում տալու համար, կամ երբ ապրանքային գործընկերը ուղղակիորեն կապ է հաստատելու լոգիստիկ ծառայությունների մատակարարների հետ: Ապրանքային գործընկերը չի ստանա Ձեր վճարման տվյալները կամ սարքի տվյալները։

Այլ օգտատերերին։ Նկատի ունեցեք, որ մեր ծառայություններից օգտվելիս Ձեր անձնական տվյալները կարող են տեսանելի լինել այլ օգտատերերին։ Համաձայն Ձեր կարգավորումների և նախապատվությունների՝ մենք կարող ենք ցուցադրել Ձեր պրոֆիլի լուսանկարը և օգտատիրոջ անունը այլ օգտատերերի, ներառյալ երբ մասնակցում եք որևէ գովազդային կամ մարքեթինգային ծրագրի (այդ թվում՝ ընկերներին մեր Ծառայությանը հրավիրելու և այլ օգտատերերից հրավերներ ընդունելու), կամ երբ որևէ ապրանքի վերաբերյալ կարծիք եք ներկայացնում կամ գնահատում եք որևէ ապրանք։ Պրոֆիլի լուսանկարը և օգտաանունը փոխանցելուց հրաժարվելու համար՝ այցելեք «Ծանուցումներ» ընտրացանկ և անջատեք «Ավատարի և օգտաանվան փոխանցում» և/կամ խմբագրեք Ձեր կարծիքները։

Ձեր իրավունքները և ընտրությունները

Մենք տրամադրում ենք որոշակի իրավունքներից և ընտրություններից օգտվելու հնարավորություն՝ Ձեր անձնական տվյալների հավաքագրման, օգտագործման և փոխանակման առնչությամբ: Համաձայն կիրառելի օրենսդրության՝ Ձեր իրավունքները և ընտրությունները կարող են ներառել.

Ձեր անձնական տվյալներին հասանելիության, դրանք ջնջելու և ուղղելու իրավունք: Դուք իրավունք ունեք մուտք գործել, ջնջել կամ ուղղել Ձեր անձնական տվյալները` ի լրումն գաղտնիության օրենքների համապատասխան այլ իրավունքների։ Դուք կարող եք ջնջել Ձեր հաշիվը հավելվածի «Կարգավորումներ» բաժնից։

Հրաժարվել մարքեթինգային հաղորդակցություններից։ Ձեր նախապատվությունները կառավարելու կամ մարքեթինգային հաղորդակցություններից հրաժարվելու համար՝ կարող եք կատարել հետևյալ գործողություններից որևէ մեկը։ Համոզված եղեք, որ կարող եք շարունակել օգտվել Temu-ից, նույնիսկ եթե հրաժերվեք մարքեթինգային հաղորդակցություններից:

• Էլ. փոստով գովազդային առաջարկներ. Երբ Դուք տրամադրում եք մեզ Ձեր էլեկտրոնային հասցեն, մենք կարող ենք ուղարկել Ձեզ որոշ մարքեթինգային էլ․ նամակներ՝ կիրառելի օրենքների պահանջներին համապատասխան։ Կարող են կիրառվել տվյալների ստանդարտ սակագներ: Եթե չեք ցանկանում ստանալ մեզանից մարքեթինգային էլ․ նամակներ, կարող եք հետևել յուրաքանչյուր էլ․ նամակի ներքևի մասում գտնվող բաժանորդագրությունից հրաժարվելու տարբերակներին՝ նման էլ․ նամակներ ստանալուց հրաժարվելու համար։ Դուք կարող եք նաև հրաժարվել մարքեթինգային հաղորդագրություններ ստանալուց՝ «Ծանուցումներ» ընտրացանկի միջոցով։

• Բջջայինով գովազդային առաջարկներ. Երբ մեզ եք տրամադրում Ձեր բջջային հեռախոսահամարը, մենք կարող ենք ուղարկել որոշակի մարքեթինգային տեքստային հաղորդագրություններ՝ համաձայն գործող օրենքների պահանջներին։ Կարող են կիրառվել տվյալների և հաղորդագրությունների ստանդարտ սակագներ: Եթե այլևս չեք ցանկանում ստանալ մարքեթինգային հաղորդագրություններ, կարող եք հետևել այդ հաղորդագրություններում նշված հրահանգներին։ Դուք կարող եք նաև հրաժարվել մարքեթինգային տեքստային հաղորդագրություններ ստանալուց՝ «Ծանուցումներ» ընտրացանկի միջոցով։

• Push ծանուցումներ.Դուք կարող եք ստանալ Temu բջջային հավելվածի կողմից ուղարկվող push ծանուցումներ՝ կիրառելի օրենքների պահանջներին համապատասխան։ Եթե այլևս չեք ցանկանում ստանալ մարքեթինգային հաղորդագրություններ, կարող եք կարգավորել push ծանուցումների կարգավորումները Ձեր սարքում և/կամ անջատել դրանք «Ծանուցումներ» ընտրացանկի միջոցով։

Քուքիների և նմանատիպ տեխնոլոգիաների կարգավորումները փոխելու իրավունք։ Դիտարկիչներից շատերը թույլ են տալիս հեռացնել կամ մերժել քուքիները: Դա անելու համար հետևեք Ձեր դիտարկիչի կարգավորումների հրահանգներին: Շատ դիտարկիչներ լռելյայն ընդունում են քուքիները, քանի դեռ չեք փոխել Ձեր կարգավորումները: Նկատի ունեցեք, որ եթե Ձեր դիտարկիչում անջատեք քուքիները, Ծառայությունը կարող է ճիշտ չաշխատել: Քուքիների և նմանատիպ տեխնոլոգիաների վերաբերյալ լրացուցիչ տեղեկությունների համար, ներառյալ՝ ինչպես տեսնել, թե ինչ քուքիներ և նմանատիպ տեխնոլոգիաներ են տեղադրվել Ձեր դիտարկիչում, ինչպես կառավարել և ջնջել դրանք, այցելեք՝ https://www.allaboutcookies.org։ Դուք կարող եք նաև կարգավորել Ձեր սարքը՝ վեբ ազդանշանների աշխատանքին խանգարող պատկերների բեռնումը կանխելու համար:

Երրորդ կողմի հարթակներին հղումների իրավունք: Ծառայությունը կարող է պարունակել հղումներ դեպի կայքեր, բջջային հավելվածներ և երրորդ կողմերի կողմից շահագործվող առցանց այլ ծառայություններ: Բացի այդ, մեր կոնտենտը կարող է ինտեգրվել վեբ էջերում կամ մեզ հետ կապ չունեցող առցանց այլ ծառայություններում։ Եթե ընտրում եք միանալ Ծառայությանը Ձեր սոցիալական մեդիայի հաշվի կամ երրորդ կողմի այլ հարթակի միջոցով, կարող եք այդ հարթակի Ձեր հաշվի կարգավորումների միջոցով սահմանափակել մեր կողմից ստացվող տվյալները։ Այնուամենայնիվ, նկատի ունեցեք՝ այս հղումները և ինտեգրումները չեն հանդիսանում մեզ հետ գործընկեր որևէ երրորդ կողմի հաստատում կամ ներկայացուցչություն։ Ավելին, մենք չենք վերահսկում երրորդ անձանց կողմից շահագործվող կայքեր, բջջային հավելվածներ կամ առցանց ծառայություններ, և մենք պատասխանատվություն չենք կրում նրանց գործողությունների համար: Հետևաբար, մենք խրախուսում ենք Ձեզ մանրամասն կարդալ Ձեր օգտագործած մյուս կայքերի, բջջային հավելվածների և առցանց ծառայությունների քաղաքականությունները և օգտագործման/ծառայության պայմանները: Եթե չեղարկեք երրորդ կողմի հարթակից տվյալներ մուտք գործելու մեր հնարավորությունը, այդ ընտրությունը չի կիրառվի այդ երրորդ կողմից մեր արդեն ստացած տեղեկությունների վրա։

Չհետևելու իրավունք: Որոշ դիտարկիչներ կարող են կարգավորվել այնպես, որ «Չհետևել» ազդանշաններ ուղարկվեն Ձեր այցելած առցանց ծառայություններին: Այս պահին մենք չենք արձագանքում «Չհետևել» կամ նմանատիպ ազդանշաններին:

Այլ ընտրությունների իրավունք:Խնդրում ենք ծանոթանալ «Քուքիների և նմանատիպ տեխնոլոգիաների քաղաքականությանը»՝տեղեկանալու Ձեր հնարավոր լրացուցիչ իրավունքների և ընտրության տարբերակների մասին, ինչպես նաև դրանց իրացման կարգին։

Երեխաներ

Ծառայությունը ո՛չ նախատեսված է երեխաների համար, ո՛չ էլ նպատակաուղղված է նրանց։ Temu-ն չի վաճառում երեխաների կողմից գնվող ապրանքներ: Մենք վաճառում ենք մանկական ապրանքներ մեծահասակներին։ Ծառայության միջոցով մենք գիտակցաբար չենք հավաքում անձնական տվյալներ այն օգտատերերից, ովքեր 18 տարեկանից փոքր են կամ, գործող ազգային օրենքների համաձայն, անչափահաս են համարվում։ Եթե տեղեկանանք, որ ակամա հավաքել ենք անչափահաս երեխայի անձնական տվյալներ Ծառայության միջոցով, անհապաղ կջնջենք տվյալները մեր գրառումներից: Եթե կարծում եք, որ անչափահաս երեխան տրամադրել է մեզ անձնական տվյալներ, կապ հաստատեք մեզ հետ, ինչպես նշված է սույն Գաղտնիության քաղաքականության «Կապը մեզ հետ» բաժնում:

Տվյալների անվտանգություն և պահպանում

Ձեր անձնական տվյալների անվտանգությունը շատ կարևոր է մեզ համար: Մենք օգտագործում ենք տեխնիկական և վարչական միջոցներ՝ Ձեր անձնական տվյալները կորստից, գողությունից, չարաշահումից, չարտոնված մուտքից, բացահայտումից, փոփոխությունից և/կամ ոչնչացումից պաշտպանել օգնելու համար: Մենք նաև հետևում ենք վճարային քարտերի արդյունաբերության անվտանգության ստանդարտին (Payment Card Industry Data Security Standard «PCI-DSS»)՝ Ձեր վճարային քարտի տվյալները մշակելիս: Այնուամենայնիվ, անվտանգության ռիսկը բնորոշ է բոլոր ինտերնետային և տեղեկատվական տեխնոլոգիաներին:

Մենք, որպես կանոն, պահպանում ենք անձնական տվյալները այն նպատակներով, որոնց համար դրանք հավաքել ենք, ինչպես նաև ցանկացած կիրառելի իրավական, հաշվապահական կամ հաշվետվողականության պահանջներ բավարարելու, իրավական պահանջներ հաստատելու կամ պաշտպանելու կամ զեղծարարության կանխարգելման նպատակներով։ Անձնական տվյալների պահպանման համապատասխան ժամկետը որոշելու համար մենք կարող ենք հաշվի առնել այնպիսի գործոններ, ինչպես օրինակ՝ անձնական տվյալների քանակը, բնույթը և զգայունությունը, Ձեր անձնական տվյալների չարտոնված օգտագործման կամ բացահայտման վնասի հնարավոր վտանգը, Ձեր անձնական տվյալները մշակելու մեր նպատակները, կիրառելի իրավական պահանջները։ Երբ մեզ այլևս անհրաժեշտ չէ Ձեր մասին մեր կողմից հավաքված անձնական տվյալները, մենք կարող ենք ջնջել դրանք, անանուն դարձնել, կամ մեկուսացնել այն հետագա մշակումից։

Temu-ի օգտատերերի տվյալները կպահվեն ամպային ծառայություն մատուցողների ենթակառուցվածքում։ Լինելով համալիր գնումների համաշխարհային կենտրոն՝ Temu-ն կարող է ներգրավել ծառայություններ մատուցողներ այլ երկրներից և տրամադրել նրանց Ձեր անձնական տվյալները՝ որոշակի նպատակներով, ինչպես օրինակ՝ պատվերի կատարաման համար։ Մենք կապահովենք, որ անձնական տվյալների բոլոր փոխանցումները համապատասխանեն իրավական գործող պահանջներին։

Փոփոխություններ Գաղտնիության քաղաքականության մեջ

Մեզ իրավունք է վերապահվում ցանկացած պահի փոփոխել սույն Գաղտնիության քաղաքականությունը: Եթե մենք կատարենք էական փոփոխություններ Գաղտնիության այս քաղաքականության մեջ, մենք Ձեզ կտեղեկացնենք՝ թարմացնելով այս քաղաքականության ամսաթիվը, այն հրապարակելով Ծառայության մեջ կամ տրամադրելով ծանուցում՝ կիրառելի օրենքների պահանջներին համապատասխան: Սույն Գաղտնիության Քաղաքականության ցանկացած փոփոխություն կգործի մեր կողմից փոփոխված տարբերակը տեղադրելու պահից (կամ ինչպես այլ կերպ նշված է հրապարակման պահին): Խորհուրդ ենք տալիս ամեն անգամ մեր Ծառայության կայք այցելելիս վերանայել Գաղտնիության քաղաքականությունը, որպեսզի տեղեկացված լինեք մեր գաղտնիության փորձառությունների մասին:

Կապը մեզ հետ

Եթե ունեք հարցեր կամ մեկնաբանություններ մեր Գաղտնիության քաղաքականության կամ նշված պայմանների վերաբերյալ, կարող եք ցանկացած ժամանակ կապ հաստատել մեզ հետ՝

• ուղարկեք էլ․ նամակ Temu-ի տվյալների պաշտպանության գրասենյակին՝ privacy@temu.com; կամ

• ուղարկեք փոստային նամակ նշված հասցեին՝ Elementary Innovation Pte. Ltd., 6 Raffles Quay, #14-06, Singapore (Postal 048580)։